Talong miyembro ng LGBT Community ang nag-avail ng Libreng Tuli program ng City Government ng Lapu-Lapu City.
Ayon kay Lapu-Lapu City Mayor Junard Chan, nagpasya sina alyas Layla, 22-anyos, alyas Lesley, 26-anyos at alyas Hanabi, 35-anyos na tumalima sa panawagan ng City LGU na magpatuli na dahil “Walang apo si Lapu-Lapu na supot”.
Tumanggap sila ng tig-P10,000 na insentibo.
Paalala ng City LGU, base sa mga doktor, sa pamamagitan ng pagpapatuli ay maiiwasan ang pagkakaroon ng mga sakit na UTI, STI at penile cancer.
Nagpapatuloy ang Libreng Tuli program ng Lapu-Lapu City government at ang mga magpapatuli na edad 20 pataas ay binibigyan ng P10,000 na insentibo.
