PUV drivers, obligado nang sumailalim sa drug testing kada 90 araw, ayon sa DOTr chief

INANUNSYO ni Transportation Secretary Vince Dizon na oobligahin na ang lahat ng drivers ng Public Utility Vehicles na sumailalim sa mandatory drug testing tuwing ika-siyamnapung araw, matapos ang sunod-sunod na malalagim na aksidente sa kalsada.

Sa press briefing, sinabi ni Dizon na nagpasya siyang maglabas ng direktiba matapos malaman na ayaw magpa-drug test ng Solid North bus driver na sangkot sa trahedya sa Subic-Clark-Tarlac Expressway (SCTEX) na pumatay ng sampu katao at sumugat ng mahigit tatlumpung iba pa.