INAASAHAN ng malakanyang na dadami ang Foreign Direct Investments matapos matanggal ang Pilipinas mula sa gray list ng Financial Action Task Force (FATF).
Ayon kay Executive Secretary Lucas Bersamin, ang paglabas ng Pilipinas mula sa FATF grey list ay magpapalakas sa hakbang ng bansa na makahikayat ng job-creating at growth-inducing investments.
Aniya, ang seal of good financial housekeeping ay pakikinabangan ng overseas filipinos, dahil sa mas mabilis at mas murang cross-border transactions bunsod ng pag-alis sa patong-patong na compliance barriers.
Idinagdag ni Bersamin na ang tagumpay ng administrasyon sa paglaban sa money laundering ay pangangalagaan at po-protektahan sa pamamagitan ng mahigpit na pagtalima sa global standards.
