49% ng pamilyang Pinoy, itinuturing ang kanilang sarili na mahirap sa ikalawang quarter ng taon

HALOS kalahati o 49 percent ng mga pamilyang Pilipino o tinatayang 13.7 million families ang ikinu-konsidera ang kanilang sarili na mahirap, sa ikalawang quarter ng taon, ayon sa pinakahuling survey ng Social Weather Stations (SWS).

Lumitaw din sa resulta ng June 25-29 Survey na nilahukan ng 1,200 respondents, na sampung porsyento ng mga pamilyang Pinoy ang itinuturing ang kanilang sarili na nasa borderline sa pagitan ng Poor and Not Poor, habang 41 percent ang nagsabi na hindi sila mahirap.