DSWD at DepEd, aalamin ang kondisyon ng mahigit 37,000 dropouts mula sa mahihirap na pamilya

AALAMIN ng mga ahensya ng pamahalaan ang estado ng 37,474 na mga mag-aaral mula sa mahihirap na pamilya na nakalista sa ilalim ng Pantawid Pamilya Pilipino Program (4Ps) na nag-drop out sa mga paaralan sa nakalipas na academic year.

Sinabi ni Paula Unay, 4Ps Program Coordinator ng Department of Social Welfare and Development (DSWD) sa Eastern Visayas, na magsasagawa sila ng Extensive Case Management sa mga pamilyang mayroong mga anak na hindi pumapasok sa eskwelahan.