INIUGNAY sa government spending at matatag na economic activity ang tumaas na Gross Regional Domestic Expenditure (GRDE) sa Eastern Visayas noong 2024.
Pahayag ito ng isang opisyal ng Department of Economy, Planning and Development (depdev), na dating National Economic and Development Authority.
Ayon kay DEPDEV Eastern Visayas Regional Director Meylene Rosales, tumaas ng 6.2 percent o sa 555.62 billion pesos ang GRDE noong nakaraang taon mula sa 523.22 billion pesos noong 2023.
Ipinaliwanag ni Rosales na ang pagtaas ng household spending ay iniugnay sa pag-angat ng household incomes na resulta ng tumaas na sweldo at napanatiling government assistance.
