Sa gitna ng krisis na dulot ng lindol, Myanmar military, tuloy sa pagbomba sa ilang lugar

BINATIKOS ng isang armadong kilusan sa Myanmar ang patuloy na air strikes ang Military Junta sa mga village, sa kabila nang katatapos lamang na pagtama ng malakas na lindol.

Sinabi ng Karen National Union, isa sa pinakamatandang ethnic armies sa Myanmar, na tuloy pa rin ang Junta sa kanilang air strikes na ang target ay civilian areas, kahit na marami na ang nasawi sa magnitude 7.7 na lindol noong Biyernes.