APRUB kay Gerald Anderson ang reunion movie ng kanyang girlfriend na si Julia Barretto sa ex-boyfriend ng aktres na si Joshua Garcia.
Sa interview, sinabi ng aktor na ang reunion movie nina Julia at Joshua, ay tiyak na magdadala ng tuwa at saya sa mga loyal fans ng “Josh-Lia.”
Idinagdag ni Gerald na parehong magaling na artista ang dalawa kaya naman tiwala siya sa kalidad ng naturang proyekto.
Nakatakdang magsama ang dating magkasintahan sa pelikulang “un/happy for you” na ipalalabas sa mga sinehan ngayong taon.
