MULING gumamit si Pope Francis ng vulgar term para sa gay men sa isang pulong kasama ang mga pari, kamakailan sa Rome, ayon sa Italian Media Reports.
Sa kanyang pagbisita sa Salesian Pontifical University noong Martes, binigkas ng Santo Papa ang katagang “frociaggine” na katumbas ng salitang “faggotry” sa Roman Dialect na Italian.
Sa private meeting na dinaluhan ng nasa dalawandaang pari sa unibersidad, sinabi ni Pope Francis na mayroong ambiance ng “frociaggine” sa Vatican.
Noong Mayo ay humingi ng paumanhin ang otsenta’y siyete anyos na Santo Papa sa paggamit ng termino sa closed-door meeting kasama ang Italian Bishops.
Sinabi ng Vatican na hindi intensyon ni Pope Francis na makasakit ng damdamin o ihayag ang saloobin sa pamamagitan ng homophobic terms.
