Calbayog City Government, pinalagan ang planong pagtatayo ng wind farm sa Watershed

Paglilinaw ni Mayor Mon, ang plano ay magtayo ng tatlumpu’t pitong turbines, at ang kanilang tinututulan ay ang paglalagay ng labintatlong turbines sa loob ng kanilang Primary Watershed Area.

Ayon sa alkalde, nagpadala na ang City Council ng kopya ng kanilang resolusyon sa Department of Environment and Natural Resources (DENR), upang ihayag ang kanilang pagtutol sa plano na magtayo ng wind farm sa ilang bahagi ng mahigit limanlibong ektarya ng CPHPL. Nanawagan din ang konseho na ibalik ang original designation ng lugar bilang “Strict Protection Zone,” na itong i-reclassify ng Protected Area Management Board bilang “Multiple-Use Zone” na nagbukas ng pintuan para sa Renewable Energy Development.