Mga tagasuporta ni Yoon Suk Yeol, sumugod sa korte matapos paliwigin ang detention ng impeached South Korean President 

SUMUGOD ang mga supporter ni Impeached South Korean President Yoon Suk Yeol sa korte sa Seoul makaraang palawigin ng judge ang detention ng dating lider bunsod ng kanyang bigong pagde-dedeklara ng martial law.

Libo-libong katao ang nagtipon-tipon sa labas ng Seoul Western District Court upang ipakita ang kanilang suporta kay Yoon, na kauna-unahang sitting president ng South Korea na inaresto sa isang raid.