MAHIGIT dalawandaan libong manonood ang dumalo sa Sinulog Festival 2025 sa main venue nito sa Cebu City, kung saan itinampok ang mahigit apatnapu’t apat na dancing contingents.
Sa kabila naman ng nakapapasong init, hindi nagpatinag ang mga kalahok sa pagparada, kasama ang mga float at higantes.
Tiniis din ng libo-libong manonood na nag-abang sa mga gilid ng kalsada ang matinding init ng panahon, ang pagdaan ng parada na sinamahan ng masasayang musika, nakaiindak na sayaw, at makukulay na kasuotan. Ayon sa security forces, walang naiulat na untoward incidents, maliban sa float na tumirik dahil nagkaroon ng problema sa makina.
