Sumailalim ang isandaan limamput dalawang personnel ng Calbayog Public Order and Safety Office (CAPOSO) sa training-workshop para sa “Tourism Awareness and Professionalism in the Workplace.”
Isinagawa ito sa pamamagitan ng tatlong batch sa Calbayog City Sports Center.
Sa kanyang mensahe, ipinaalala ni Calbayog City Mayor Raymund “Monmon” Uy sa mga trainee na higit sa pagiging safety officers, sila rin ay frontliners na unang humaharap sa mga bumibisita sa lungsod.
Hinimok ng alkalde ang CAPOSO employees na maging mabuting halimbawa ng disiplina sa pagtupad sa kanilang mga tungkulin at responsibilidad.
