Umabot sa 36.827 billion pesos na halaga ng investments ang inaprubahan ng Philippine Economic Zone Authority (PEZA) simula Enero hanggang Mayo.
Ayon sa PEZA, ang inaprubahang investment commitments ay binubuo ng siyamnapu’t limang bago at expansion projects na inaasahang magdye-generate ng isang bilyong dolyar na exports at lilikha ng labinsiyam na libong trabaho.
Inaasahang palalakasin ng approved investments ang iba’t ibang industriya, partikular ang manufacturing at IT-BPM sectors.
Sa nakalipas lamang na buwan ng Mayo ay dalawampu’t dalawang bago at expansion projects ang inaprubahan ng PEZA, na nagkakahalaga ng 6.872 billion pesos.
