15 February 2025
Calbayog City
Local

Lokal na pamahalaan ng Calbiga, nagpatawag ng emergency meeting sa mga Punong Barangay dahil sa ASF

NAGPATAWAG ng emergency meeting ang lokal na pamahalaan ng Calbiga sa mga Punong Barangay.

Ito’y matapos magpositibo umano sa African Swine Fever ang apat mula sa sampung samples na isinumite para sa ASF Laboratory Testing ang katabing bayan na San Sebastian.

Isa sa mga barangay sa Calbiga ang pansamantalang itinakda bilang ground zero o red zone, nang dalawa mula sa apat na baboy ang hinihinalang namatay sa ASF.

Agad namang naglatag ng Barangay Checkpoints (animal quarantine) sa loob ng 1 kilometer radius, bukod pa sa animal quarantine checkpoint sa kahabaan ng Maharlika Highway.

Epektibo na rin ang ban sa paggalaw o pagbiyahe sa mga baboy na nasa loob ng red zones, habang ang movement ng swine sa green zones o palabas lamang  ay kailangan ng barangay certification na may lagda ng punong barangay na nagpapatunay na ang  swine ay mula sa kanyang nasasakupan.

Ang animal quarantine sa Calbiga red at green zones ay magtatagal hanggang sa lumabas at mag-negatibo ang resulta ng samples.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).

Leave a Reply

Your email address will not be published. Required fields are marked *