Siyam ang patay, kabilang ang tatlong attackers, habang halos tatlumpu ang nasugatan sa pag-atake sa isang Shi’ite (shee-ayt) muslim mosque sa Oman.
Ayon sa mga opisyal, apat na Pakistani, isang Indian, at isang police officer ang nasawi sa naturang pagsalakay, sa pambihirang security breach sa oil producing gulf state.
Sinabi ng Oman police na dalawampu’t walo katao na iba’t iba ang nationalities ang nasugatan din sa insidente.
Hindi naman inihayag ng mga awtoridad kung tukoy na nila ang motibo sa pamamaril o kung mayroon na silang mga naaresto.
Samantala, inako ng teroristang grupong Islamic State ang pag-atake sa mosque ng shi’ite muslim.
