Ipinasara ng Department of Migrant Workers (DMW) ang isang Japanese Language Center (JLC) sa Davao City dahil sa pagkakasangkot nito sa illegal recruitment.
Ang Sincere Japanese Skills Academy, Inc. (Sincere) ay ang ikaapat na JLC na ipinasara ng DMW sa loob lamang ng dalawang linggo kasunod ng pagsasara ng tatlong kaparehong pasilidad sa Bulacan at Cebu.
Ayon sa imbestigasyon, ang Sincere ay hindi lamang nag-aalok ng Japanese Language Training na may kasamang pangakong trabaho sa Japan, kundi nakipag-ugnayan din ito sa mga hindi otorisadong recruitment entities tulad ng Advanced Ability Association (AAA) — isang pekeng recruitment group para umano sa pagproseso ng trabaho sa ibang bansa.
200K Units ng popular na Herbal Inhaler sa Thailand, pinare-recall sa merkado dahil sa Microbial Contamination
Kampo ni FPRRD, naghain ng apela sa Jurisdiction Ruling ng ICC
NAIA, may paalala sa mga biyahero ngayong Undas
ICI, inirekomendang kasuhan sina Senators Villanueva at Estrada, Dating Cong. Zaldy Co, at iba pang mga personalidad
Ang pagpapasara sa Sincere ay alinsunod sa Closure Order No. 14, Series of 2025 na inilabas ng DMW.
Nag-ugat ang aksyon ng DMW mula sa mga reklamo ng mga OFWs na biktima sa Japan na dumulog sa Migrant Workers Office (MWO) sa Tokyo.
Batay sa kanilang testimonya, siningil sila ng halagang P3,000 hanggang P50,000 para sa language training, at pinangakuang makakakuha ng trabaho bilang caregiver, food and beverage service personnel, o ground handler sa aviation industry kapag pumasa sa isang exam pagkatapos ng kurso.
