SINASADYANG Karahasan sa Kabuhayan ng Pilipino
Ang pagkasugat ng tatlong mangingisdang Pilipino at pagkasira ng dalawang bangkang pangisda sa Escoda Shoal ay hindi maaaring ituring na karaniwang insidente sa West Philippine Sea.
MMFF complimentary passes hindi pwedeng ibenta – MMDA
Pasok sa mga tanggapan ng gobyerno, suspendido sa Dec. 29, 2025 at Jan. 2, 2026
Arrest warrant laban kay Sarah Discaya at iba pang co-accused sa 96.5 million pesos na ghost flood control project, inanunsyo ni Pangulong Marcos
Ratipikasyon at transmittal ng Proposed 2026 National Budget, target sa Dec. 29
Isa itong hayagang pananakit at sinadyang karahasan laban sa mga Pilipinong legal at payapang naghahanapbuhay sa sarili nilang karagatan.
Hindi armado ang mga mangingisda.
Wala silang nilalabag na batas. Maliit ang kanilang mga bangka, at malinaw ang kanilang pakay: mangisda upang may maipakain sa pamilya.
Gayunman, hinarap sila ng high-pressure water cannons at mapanganib na maniobra ng mga sasakyang pandagat ng Tsina.
Hindi ito aksidente.
Isa itong planadong hakbang upang manakot, manakit, at itaboy ang mga Pilipino mula sa sarili nilang karagatan.
Kapag Sibilyan ang Sinasadyang Saktan
Para kay Chairman Emeritus Dr. Jose Antonio Goitia, walang dapat pagtakpan sa nangyari.
“Kapag sinasadya ang pananakit sa mga sibilyan na nasa sarili nilang teritoryo, hindi na ito maaaring tawaging harassment,” ani Goitia.
“Ito ay hayagan at sinadyang agresyon.”
Dagdag niya, walang anumang legal o moral na katwiran ang pananakit sa mga mangingisdang walang nilalabag na batas at tanging kabuhayan ang ipinagtatanggol.
Tungkulin ng Estado, Walang Pag-aalinlangan
Agad na kumilos ang Philippine Coast Guard upang sagipin ang mga nasugatang mangingisda, magbigay ng agarang tulong medikal, at tiyakin ang kanilang ligtas na pag-uwi sa kabila ng patuloy na panghaharang.
Para kay Goitia, malinaw itong patunay na ang estado ay nananatiling gising at handang ipagtanggol ang mga Pilipinong lehitimong nasa sarili nilang karagatan.
“Nariyan ang ating mga pwersa upang ipakita na hindi iniiwan ng pamahalaan ang sarili nitong mamamayan,” ani Goitia.
“Ang pagprotekta sa mga sibilyan ay hindi opsyon o pakiusap. Ito ay isang malinaw at di-matatawarang tungkulin ng estado.”
Malinaw ang Batas
Muling iginiit ng Tsina ang mga claim na matagal nang ibinasura sa ilalim ng international law.
Ayon sa 2016 arbitral ruling, malinaw na saklaw ng exclusive economic zone ng Pilipinas ang Escoda Shoal.
“Ibig sabihin, may karapatan ang ating mga mangingisda,” ani Goitia.
