KINANSELA ng gobyerno ang 88 Million Dollars na loan sa world bank para sa Philippine Customs Modernization Project (PCMP) sa gitna ng mga nakabinbing kasong sa korte na nagpa-delay sa implementasyon ng proyekto.
Kinumpirma ito ni Finance Secretary Ralph Recto, kasabay ng pagsasabing magkakaroon ng panibagong modernization project, subalit hindi na sa pamamagitan ng PCMP.
Ang project cost ng PCMP ay 104.38 Million Dollars o tinatayang nasa 5.95 Billion Pesos.
Sa naturang halaga, 88.28 Million Dollars ay uutangin sa World Bank habang ang natitirang 16.1 Million Dollars ay popondohan ng pamahalaan.
