Local Absentee Voting, pinaaamyendahan; Healthcare Workers, PWDs, Senior Citizens at buntis, dapat payagang makaboto ng mas maaga

TINAYA sa dalawandaan libong katao ang nagpatala para makaboto sa Barangay at Sangguniang Kabataan Elections (BSKE), ayon sa COMELEC.

Sa inilunsad na sampung araw na Voter Registration noong Biyernes, Aug. 1, binuksan din ng Pollbody ang labinsiyam ng Sites para sa kanilang Special Register Anywhere Program (SRAP) sa mga paaralan, Transport Terminals, at ilang piling mga ospital.

Sinabi ni COMELEC Chairman George Garcia na pinili nila ang mga lokasyon ng Registration Booths dahil sa mataas na Foot Traffic o ma-tao.

Idinagdag ni Garcia na hindi mahalaga kung maabot nila o hindi ang isang milyong target, dahil sampung araw lang naman ang Registration Period.

Kumpara aniya ito sa Feb. 12 to Sept. 30 na ikinasa nila noong Registration Period na umabot lamang sa 2.2 million ang nagpatala.

Gayunman, inihayag ng Poll chief na sakaling lagdaan ni Pangulong Ferdinand Marcos Jr. ang panukalang batas na nagpapaliban sa BSKE, itutuloy ang Voter Registration sa Oktubre at magtatagal ito hanggang sa July 2026.

Samantala, nais ng mga Healthcare Worker na mapasama sila sa mabibigyan ng pagkakataon na makaboto ng maaga tuwing magdaraos ng halalan sa bansa.