KABUUANG 37,740 na pulis ang idineploy sa buong bansa sa 45,974 na public at private schools para sa pagbabalik-eskwela ng mga mag-aaral ngayong Lunes, June 16.
Nagtayo ang PNP ng 5,079 Police Assistance Desks malapit sa school premises, para tumulong sa mga estudyante, mga magulang, at school staff.
Nasa 10,687 officers ang nagsasagawa ng mobile patrols habang 16,366 ang itinalaga para sa foot patrols sa High-Density Areas at Critical Zones.
Sinabi ni PNP Chief, Police General Nicolas Torre II na nais nilang tiyakin na ligtas at walang takot na mararamdaman ang mga batang magbabalik-eskwela.
