UMABOT sa 1.4 million pesos ang nakolektang multa ng Davao City Government mula sa mga lumabag sa Anti-Smoking Ordinance sa unang quarter ng 2024.
Ayon kay Vices Regulation Unit (VRU) Officer-In-Charge Hernando Las, kabuuang 1,772 violators ang kanilang nahuli simula Enero hanggang Marso.
Mas mataas ito kumpara sa 1,630 apprehensions na kanilang naitala sa kaparehong panahon noong nakaraang taon.
Limampu’t pito katao naman aniya ang sinampahan ng kaso matapos mabigong bayaran ang kanilang violation tickets sa loob three working days.
