SINIMULAN na ng US Military ang paglalagay ng mga piraso ng temporary pier na gagamitin sa pagbiyahe ng Humanitarian Aid sa Gaza mula sa Mediterranean Sea.
Ayon sa US Defense Officials, nakumpleto na noong nakaraang linggo ang konstruksyon ng floating platform at causeway, subalit na-delay ang final movement dahil sa lagay ng panahon.
Dahil dito, inaasahang magiging operational ang temporary pier sa mga susunod na araw.
Inihayag ng Biden Administration na sa pamamagitan ng corridor ay madaragdagan at mas magiging mabilis ang pagpasok ng mga ayuda para sa mga biktima ng digmaan sa pagitan ng Israel at militanteng grupong hamas sa Gaza.
