Ipinaabot ni Senator Raffy Tulfo kay US Ambassador to the Philippines MaryKay Carlson ang sinapit ng mga Pinoy Marino na ipinadeport pabalik ng Pilipinas dahil umano sa isyu ng child pornography.
Ito ay matapos imibitahan ni Carlson para sa isang dinner meeting si Tulfo na siya ring chairperson ng Senate Committee on Migrant Workers.
Mahigit P386-M na jackpot prize sa Ultra Lotto napanalunan ng nag-iisang bettor
DMW kumpiyansang maaabot ang 100 percent budget utilization ngayong taon
Dagdag na $100 sa minimum wage ng mga Pinoy domestic helpers ipatutupad ng DMW
Janet Napoles, 3 iba pa hinatulang guilty sa winaldas na P7.55M na PDAF
Ayon sa kwento ng mga Pinoy crew, nakadaong ang kanilang cruise ship sa US nang sumampa ang mga tauhan ng Immigration and Customs Enforcement (ICE) at ininspeksyon ang kanilang mga cellphone.
Kahit wala namang nakitang child pornographic materials, ang mga Pinoy ay ipinakulong at ipina-deport.
Nilinaw naman ni Ambassador Carlson na humigpit ang entry standards ng US Immigration sa ilalim ng administrasyon ni US President Donald Trump pero aplikable aniya ito sa lahat ng dayuhang manggagawa at hindi lamang sa mga Pinoy.
Siniguro naman ni Carlson sa senador na pag-aaralan nito ang reklamo ng mga naapektuhang Pinoy seafarers.
