Agriculture Department, ipinagbawal muna ang pagpasok sa bansa ng buhay na baka at karne nito mula sa UK

Pansamantalang ipinagbawal ng Department of Agriculture (DA) ang pagpasok ng mga buhay na baka at meat products mula sa United Kingdom kasunod ng kaso ng mad cow disease sa Scotland kamakailan.

Sa ilalim ng Memorandum Order 20, na inisyu noong May 30, 2024, ipinag-utos ng DA ang temporary ban sa importasyon ng buhay na baka, meat, meat products, bovine processed animal proteins, at cattle semen mula sa United Kingdom.