TINUKOY ng Northern Samar Provincial Government ang pitong karagdagang priority areas para sa local investment ngayong taon na magsisilbing gabay sa lokal na pamahalaan sa paghahanap ng potential investors.
Ayon kay Jhon Allen Berbon, pinuno ng Provincial Economic Development and Investment Promotions Office, ang pitong priorities ay idaragdag sa labintatlong focus areas para sa investment na tinukoy noong 2024 ng provincial government.
Nanguna sa listahan ng additional local investment priorities ang renewable energy, sumunod ang value-adding and manufacturing activities, at creative industry.
Sinabi ni Berbon na ilang sektor at industriya ang idinagdag bunsod ng mandatory policies, na magiging kapaki-pakinabang para sa lalawigan.
