IBINIDA ng pag-IBIG Home Development Mutual Fund ang pinakamataas na dibidendo na kinita nito sa loob ng apatnapu’t apat na taon sa serbisyo.
Inihayag ni Department of Human Settlements and Urban Development (DHSUD) Secretary at pag-IBIG Fund Board of Trustees Head Jose Rizalino Acuzar, na naitala sa 6.60 percent ang annual dividend rate ng pag-IBIG regular savings noong nakaraang taon.
Lumobo naman aniya sa 7.10 percent ang modified pag-IBIG 2 (MP2) savings.
Sinabi ni Acuzar na ang naturang accomplishment ay direktang pakikinabangan ng kanilang mga miyembro, dahil ang 55.65 billion pesos na dibidendo na katumbas ng 82.71 percent ng kanilang net income ay lagpas sa 70-percent dividend requirement ng batas.
