Bahagyang bumaba ang approval at trust ratings ni pangulong Ferdinand “Bongbong” Marcos Jr., batay sa survey ng Pulse Asia, na inilabas ilang araw bago ang ikatlong State of the Nation Address (SONA) ng punong ehekutibo.
Sa resulta ng June 17 to 24 survey na nilahukan ng 2,400 adult respondents, 53 percent ang nakuhang performance rating ng pangulo, mas mababa ng 2 percent mula sa 55 percent noong Marso.
