Suspended Mayor Alice Guo at pitong iba pa, ipinaaaresto ng Senado 

IPAAARESTO na ng Senado si suspended Bamban, Tarlac Mayor Alice Guo o si Gua Hua Ping, kasama ang pitong iba pa dahil sa pang-iisnab sa subpoena na ipinadala ng Senado para dumalo sa pagdinig kahapon.

Bukod kay Alice Guo, inaprubahan ni Committee Chairperson Risa Hontiveros na i-cite in contempt sina Nancy Gamo, Dennis Cunanan, Wen Yi Lin, Seime Guo, Jian Zhong Guo, Duaren Wu at Chona Alejandre.

Sinabi ni Hontiveros na iisyuhan nila ng warrant of arrest ang walong personalidad na inaasahan nilang agad na pipirmahan ni Senate President Chiz Escudero.