NAREKOBER ng mga awtoridad ang sunog na bangkay ng isang Baguio City student sa isang bakanteng lote sa bayan ng Bacnotan sa La Union.
Ayon sa report, ang paalam ng 21 anyos na lalaking estudyante mula sa Pozorrubio, Pangasinan sa kanyang magulang ay babalik ito sa Baguio noong Linggo, July 1.
Gayunman, natagpuan ang sunog na bangkay nito sa Barangay Quirino, sa Bacnotan noong Lunes, matapos i-report ng isang truck driver.
Sa inisyal na pagsisiyasat, pinalo ng matigas na bagay sa ulo at noo ang biktima at mayroon din itong tama ng ice pick sa kanang binti.
Inaalam pa ng mga posibleng dahilan kung paano napadpad ang bangkay ng estudyante sa La Union.
