NANINIWALA ang isang opisyal ng Malakanyang na kailangang amyendahan ang Sim Card Registration Act.
Sinabi ni Palace Press Officer Undersecretary, Atty. Claire Castro na mas mainam kung gagawing “personal” ang pagre-rehistro ng sim cards.
Inihalimbawa ni Castro ang pagkuha ng driver’s license na kailangan ng personal appearance, upang maiwasan ang mga panloloko.
Ginawa ng Palace official ang pahayag kasunod ng pagka-alarma ni Senador Risa Hontiveros sa pagsulpot muli ng scamming operations sa pamamagitan ng text messages.
2022 nang lagdaan ni Pangulong Ferdinand Marcos Jr. Ang Sim Registration Law o Republic Act 11934, upang matuldukan ang text at online scams, at iba pang mga krimen.
