NAGSILBING host ang SAMELCO I ng Renewable Energy Summit 2025 na may temang “Empowering the Future: Advancing Solar Net Metering for Sustainable Energy Revolution,” sa Calbayog City.
Layunin ng summit na isinagawa sa Badet’s Place sa Barangay Carayman, na magbahagi ng kaalaman at inspirasyon sa tahanan at negosyo para lumipat sa renewable energy sources, partikular sa solar power.
Nagsilbi rin itong plataporma upang gabayan ang publiko sa net metering, financing operations, at ang benepisyo ng paggamit ng sustainable energy.
Itinampok sa event ang mga presentasyon mula sa stakeholders, kabilang ang mga kinatawan mula sa Department of Energy, Development Bank of the Philippines, at Private Solar Technology Providers.
