INILABAS na ng Department of Budget and Management (DBM) ang 11.6 billion pesos na pondo para sa Performance-Based Bonus (PBB) ng 920,073 kawani ng iba’t ibang eskwelahan sa elementarya at sekondarya na nasa pangangasiwa ng Department of Education (DepEd).
Ang nasabing pondo ay para sa PBB ng mga kawani ng DepEd na dapat ay noon pang taong 2021 naipamahagi.
Ayon sa DBM, as of Sept. 1, 2023, naibigay na lahat sa kanilang 16 Regional Offices ang Special Allotment Release Order (SARO) at Notice of Cash Allocation (NCA) sa DepEd para sa Fiscal Year 2021 PBB ng School-Based Personnel.
Naipalabas ang mga SARO at NCA kasunod ng ginawang evaluation at validation ng DBM sa required updated documents na isinumite ng DepEd mula Abril hanggang Agosto 2023.
Sa pahayag ng DBM, pinagbatayan ng pagbibigay ng 2021 PBB ang accomplishments ng DepEd para sa nasabing taon.
