TARGET ng Department of Agriculture (DA) na tapyasan ang pork imports ng bansa ng 60,000 metric tons ngayong taon sa pamamagitan ng pagpapalakas ng lokal na produksyon.
Nais ng DA na i-substitute ang 10 percent ng imported pork o 60,000 metric tons ng domestic output hanggang sa pagtatapos ng taon.
Plano ng ahensya na abutin ang target sa pamamagitan ng kanilang 2.1-billion peso Modified Repopulation Program o kilala bilang Integrated National Swine Production Initiatives for Recovery and Expansion (INSPIRE) Program.
Tututukan ngayon sa Repopulation Program ng DA ang Sow-Weaner Operations kung saan magtatayo ng multiplier at production farms na mayroong artificial insemination.
