NAGHAHANDA na ang aktor na si Zanjoe Marudo na maging ama at puspusan na ang kanyang pagpa-practice sa pagkarga ng baby, dahil malapit nang manganak ang kanyang misis na si Ria Atayde.
Sa kanyang Instagram story, ipinost ni Zanjoe ang kanyang video habang nasa gym pero hawak nito ang dumbbell na parang sanggol na pinatutulog sa kanyang bisig.
Nakalagay sa caption ang mga katagang “conditioning to be zaddy.”
Sa hiwalay na Instagram post, ibinahagi naman ng biyenan nito na si Sylvia Sanchez, ang video ni Zanjoe na may kargang pusa, at sinabing talagang ready na sa kanyang daddy duties ang aktor.
