ISANG Pinay ang magiging pambato ng Spain sa gaganaping Miss Progress International 2023.
Si Patrixia Jaye Parmerola, na ipinanganak at lumaki sa Manila ay naninirahan na ngayon sa Spain.
Ang pageant ay gaganapin sa Sept. 15 hanggang 25, 2023 sa Italy.
Ayon kay Trixia, simula pagkabata ay aktibo na siya sa iba’t ibang aktibidad, gaya ng theater acting, dancing, playing drums, at taekwondo.
Sumali din siya sa cheerleading.
Noong kaniyang senior year, nakasali siya sa isang dance competition sa isang tv program sa Pilipinas.
Bahagi ng adbokasiya ni Trixia ang pagbibigay pansin sa mga homeless individuals – ang mabigyan sila ng disente, malinis na makakain.
