NAGBIGAY ang Coast Guard Station Western Samar ng seguridad at kaligtasan sa Fluvial Parade sa Zumarraga, Daram, Tarangnan, Brgy. Banquil, Brgy. Burabod, at Brgy. Guintarcan Villareal, Samar.
Kaugnay ito sa pagdiriwang ng Kapistahan ng Sr. Sto. Niño na nilahukan ng tinatayang isanlibong mga deboto.
Para ligtas na pagdaraos ng maritime traditions, hinihikayat ang lahat ng organisasyon na kumuha ng permit sa tanggapan ng Philippine Coast Guard bago magsagawa ng anumang maritime parades, regattas, at iba pang maritime-related activities.
Ito’y bilang pagtalima sa PCG Memorandum Circular 04-14 para sa pagsusulong ng kaligtasan ng buhay sa karagatan.
