DPWH-Biliran, naghihintay ng pondo para masimulan ang pagkukumpuni ng umuugang tulay

UMAASA ang Department of Public Works and Highways (DPWH) District Engineering Office sa Biliran na matatanggap ang 30 million pesos na kinakailangang pondo upang masimulan ang pagkukumpuni sa lumang tulay na ginagamit ng mga residente para makatawid sa Leyte.

Sinabi ni DPWH-Biliran Chief Irwin Antonio na kailangang makumpuni agad ang Biliran Bridge matapos madiskubre ang iba’t ibang problema sa integridad nito makaraang isailalim sa assessment.