13 February 2025
Calbayog City
Local

Ilang mga armas na pag-aari ng NPA, narekober ng militar sa Hindang, Leyte

NAREKOBER ng Philippine Army nitong nakaraang weekend ang ilang armas na pag-aari ng New People’s Army (NPA), sa bulubunduking barangay ng Mahilum, sa bayan ng Hindang, sa Leyte.

Kabilang sa mga narekober ng mga sundalo ang isang M60 machine gun, isang M16 rifle, at isang M14 rifle.

Ang naturang hakbang ng militar ay bahagi ng pinaigting na operasyon upang tuluyan nang mapabagsak ang humihinang pwersa ng NPA sa rehiyon.

Sinabi ni Brig. Gen. Noel Vestuir, Commander ng 802nd Infantry Brigade, na ang pagkaka-diskubre sa mga armas ay resulta ng patuloy na dayalogo at konsultasyon sa mga dating rebelde.

Ito aniya upang matunton ang mga natitirang miyembro ng Island Committee Levox ng NPA na nag-o-operate sa mga kabundukan ng isla ng Leyte.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).