Ibinida ng Philippine Economic Zone Authority (PEZA) na umabot sa 2.21 billion pesos ang halaga ng investments na kanilang inaprubahan sa nakalipas na buwan ng Enero.
Sinabi ni PEZA Director General Tereso Panga na dahil dito ay kumpiyansa silang mas marami pang investments ang papasok at maghihintay ng approval sa mga susunod na buwan.
Mula sa labindalawang bago at expansion projects, pito ang export enterprises, apat ang information and technology enterprises at isa ang facilities business.
Ang inaprubahang investments ay inaasahang magdye-generate ng 69.62 million dollars na halaga ng exports at makalilikha ng 1,337 direct jobs.
