7 February 2025
Calbayog City
National

OVP, makikipag-ugnayan sa kanilang budget sponsor sa Kamara matapos ipagpaliban ang pagtalakay sa hinihinging pondo 

Makikipag-ugnayan ang Office of the Vice President sa opisina ni Lanao Del Sur Rep. Zia Alonto Adiong, ang itinalagang sponsor sa proposed 2025 budget ng OVP sa plenaryo sa Kamara, kasunod ng pagpapaliban ng house panel sa budget deliberation.

Gayunman, sinabi ni OVP Spokesperson, Atty. Michael Poa, na wala pang eksaktong petsa kung kailan ang magiging pag-uusap sa pagitan ng OVP at opisina ni Adiong.

Noong Martes ay ipinagpaliban ng House Committee on Appropriations ang pagtalakay sa 2-billion peso proposed budget ng OVP para sa 2025, kasunod ng pag-iwas ni Vice President Sara Duterte na sagutin kung paano ginagastos ng opisina nito ang budget.

Bilang budget sponsor ng OVP, inihayag ni Adiong na dapat ay magbigay ng sapat na kasagutan ang bise presidente para makuha ang approval sa hinihinging budget.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.