NAGPALIWANAG si Niño Muhlach kung bakit ibinenta niya ang isa sa kanyang Filipino Academy of Movie Arts and Sciences (FAMAS) Trophies kay Boss Toyo sa halagang kalahating milyong piso.
Sa “Fast Talk With Boy Abunda,” tinanong ng King of Talk ang aktor kung ano ang nagtulak sa kanya para ibenta ang FAMAS Trophy, gayung alam ng mga tao na marami naman siyang pera.
Sinabi ng dating child star na tinawagan siya ni Boss Toyo at ito mismo ang nag alok na bilhin ang kanyang FAMAS Trophy.
Kwento pa ni Niño, sinabi sa kanya ni Boss Toyo na may nag offer ng FAMAS Award na child star pero hindi nito binili, dahil ang nasa isip lamang nitong child star talaga ay siya.
Idinagdag pa ng aktor na lima ang kanyang awards na nakatambak lamang sa bahay at hindi niya naaalagaan.
Idinagdag ni Niño na pumirma sila ng deal ni Boss Toyo na hindi maaring ibenta ng Pinoy Pawnstar ang trophy sa iba at sa halip ay idi-display ito sa museum.
