Mga gamit pang-eskwela, ipinamahagi sa mga batang Calbayognon para sa pagbubukas ng klase ngayong Lunes

NAGHATID ng tuwa at saya sa mga batang mag-aaral sa Calbayog City ang ipinamahaging school supplies, para sa pagbubukas ng klase ngayong Lunes.

Kahapon ay pinangunahan ni Mayor Raymund “Monmon” Uy ang pamamahagi ng mga gamit pang-eskwela sa Calbayog Convention Centers.

Ipinamahagi ang mga bag, notebooks, mga lapis, crayons, at iba pang school supplies sa mga punong barangay, para makarating sa animnapung eskwelahan sa lungsod, lalo na sa malalayong barangay.