WALONG tourism-related establishments sa Eastern Visayas ang humiling ng exemption mula sa Election Liquor Ban.
Ayon sa Department of Tourism (DOT) Regional Office, mangilan-ngilan lamang ang humirit ng exemption hanggang sa huling araw ng aplikasyon noong May 5.
Tatlo mula sa mga naturang establishments ay naka-base sa Calbayog City, Samar; tig-dalawa sa Tacloban City at Ormoc City sa Leyte; at isa sa Padre Burgos sa Southern Leyte.
Tanging DOT-accredited hotels, restaurants, bars, resorts, at iba pang related establishment ang pinapayagang mag-apply ng exemption.
Ipinaliwanag naman ni DOT Eastern Visayas Regional Director Karina Rosa Tiopes, na bagaman pinagkakalooban ng exemption mula sa Liquor Ban ang tourism-related establishments, mga dayuhang bisita lamang ang pinapayagang bumili at uminom ng alak.
