PHIVOLCS, pinayuhan ang  publiko na magsuot ng face masks bunsod ng patuloy na pagbuga ng  gas ng Taal Volcano sa Batangas

Pinayuhan ng PHIVOLCS ang publiko na magsuot ng face masks dahil sa patuloy na paglalabas ng gas ng Taal Volcano sa Batangas na nasa alert level 1.

Sinabi  ni PHIVOLCS Director, Dr. Teresito Bacolcol, na kapag hindi agad nalusaw ang sulfur dioxide, maari itong maging vog o volcanic smog.

Simula alas dose ng hatinggabi noong Sabado hanggang alas dose ng hatinggabi kahapon ay nakapagtala ang ahensya ng isang volcanic quake sa Taal.

Idinagdag ni Bacolcol  na nakapagtala rin sila ng medyo mataas  na sulfur dioxide noong Huwebes na umabot  sa  11,072  tonnes.