TATLUMPU’T isang Persons Deprived of Liberty (PDLs) sa Leyte Regional Prison ang napipintong makalaya matapos sumailalim sa pre-parole interview.
Ayon sa Bureau of Corrections (BUCOR), isinagawa ang interview ng Department of Justice – Parole and Probation Administration Regional Office sa Eastern Visayas.
Sa statement, sinabi ng BUCOR na tumutok ang ebalwasyon sa pag-uugali, rehabilitation progress, at kahandaang mapabilang muli sa lipunan ang mga inmates.
Pinag-aralan din ng mga opisyal ang qualifications ng mga palalayaing PDL, sa pamamagitan ng pagtiyak na naabot nila ang lahat ng legal at behavioral requirements bago sila bigyan ng parole.
