Umabot na sa mahigit P35 million na halaga ng tulong ang naibigay ng Department of Social Welfare and Development (DSWD) sa mga lugar sa Eastern Visayas na naapektuhan ng pagbaha.
Ayon sa datos ng DSWD, kabuuang P35,698,077 na cost of assistance ang naipamahagi na ng ahensya.
Nakapagpamahagi na din ng 47,251 na Family Food Packs.
Patuloy ang pakikipag-ugnayan ng DSWD sa mga LGUs na naapektuhan ng Low Pressure Area at Shear Line. Tiniyak ng ahensya na handa itong rumesponde sa mga LGU na magre-request ng augmentation.
