Mahigit 11,000 na cargo trucks, makikinabang sa “Libreng Sakay” sa gitna ng San Juanico Bridge Crisis

TINAYA sa 11,394 cargo trucks ang inaasahang makikinabang mula libreng biyahe ng RORO vessels ng Office of the Civil Defense ngayong taon, sa ilalim ng kanilang bagong lunsad na “Libreng Sakay” Program, sa gitna ng San Juanico Bridge Crisis.

Sinabi ni OCD Eastern Visayas Regional Director Lord Byron Torrecarion na kinontrata nila ang Landing Craft Tank na LCT Edison para sa 633 trips para tumawid sa San Juanico Strait na naghihiwalay sa Tacloban City at Barangay Amandayehan sa Basey, Samar.