Dead on the spot ang isang lalaki matapos barilin sa Purok 4 Brgy. Carayman, Calbayog City, Sabado ng hapon.
Nakilala ang biktima na si Marlon Mondero, 30 taong gulang at lineman/driver ng Fil Products.
Base sa imbestigasyon ng Calbayog CPS, Nakita ang bangkay ng biktima na nakahandusay malapit sa isang timbol at may tama ito ng bala sa ulo.
Ang biktima, kasama ang kanyang katrabaho ay nagtungo sa Brgy. Bagacay para ayusin ang internet connection ng kanilang kliyente.
Matapos ayusin ang internet ng kliyente, isang tawag ang natanggap ng biktima.
Nagpaalam ito sa kaniyang kasamahan na kailangan niyang magtungo sa Brgy. Carayman para sunduin ang kanyang asawa.
Pagbaba ng biktima sa sasakyan ay pinagbabaril na ito ng hindi pa nakilalang suspek.
Samantala, nagsagawa ng hot pursuit operation ang Calbayog CPS para sa posibleng pagkakakilanlan at pag aresto sa suspek.
