Kadiwa ng Pangulo Rice-for-All Rolling Store, pararamihin pa, ayon sa D-A

NAGPASALAMAT si Agriculture Secretary Francisco “Kiko” Tiu Laurel Jr. sa grupo ng mga rice millers, importers, at maging sa Philippine National Police (PNP) sa kanilang tulong para makapagbigay ng abot-kayang bigas sa mga consumer.

Sa pulong kasama ang mga rice importer kung saan tinalakay ang mga ipatutupad na hakbang para sa mas maayos na presyuhan ng bigas, ipinaabot ni Tiu ang pasasalamat sa mga rice millers at importers sa kanilang aktibong papel para masuportahan ang KADIWA ng Pangulo Rice-for-All rolling stores sa Metro Manila.

Sa KADIWA ng Pangulo Rice-for-All rolling stores, ibinebenta ang well-milled rice sa halagang P40 at P45 per kilo.